*****ၽွၼ်းလီလွင်ႈၵၢၼ်ႁဵၼ်း*****

*****ၽွၼ်းလီလွင်ႈၵၢၼ်ႁဵၼ်း*****
ၽွၼ်းလီလွင်ႈၵၢၼ်ႁဵၼ်းၼႆႉ ႁၼ်မီးဝႆႉဢၼ်ၵႅပ်ႈမၼ်းယူႇ(3)ယဝ်ႉ ၼၼ်ႉ​တႄႉပဵၼ် ၸိူဝ်းဢၼ် ​ၼႄဝႆႉယူႇပႃႈတႂ်ႈ ၼႆႉယဝ်ႉ။ မၢႆ(1)တေ​မေႃလိၵ်ႈလၢႆး​
မၢႆ(2)​တေမီးဢူၺ်း​ၵေႃႉ မၢႆ(3)​တေၸင်ႈၵပ်းသိုပ်ႇၸူးပိူၼ​်ႈ ၸိူဝ်းၼႆႉယဝ်ႉ။
ၵၢပ်ႈပၢၼ်ယၢမ်းမိူဝ်ႈလဵဝ်ၼႆႉ ပဵၼ်ၵၢပ်ႈပၢၼ်ဢၼ်ပိူၼ်ႈၸႂ်ႉတိ​ုဝ်းလိၵ်ႈလၢႆး ပၢႆးပၺ်ႇၺႃႇ​ ဝႆႉပဵၼ်ပိူင်
လူင်မၼ်း​သေ ႁဵတ်းၵၢၼ်ၵႂႃႇယူႇၵူႈဝၢၼ်ႈၵူႈမိူင်းယဝ်ႉ ​ပေႃးႁဝ်းဢမ်ႇ​မေႃလိၵ်ႈလၢႆး ပၢႆးပၺ်ႇၺႃႇ
သင်ၸိုင် ႁဝ်း​တေၸင်ႈတူၵ်းတၢင်းယၢပ်ႇၽိုတ်ႇဢိူဝ်ႈ မိူဝ်ႈဢၼ်ႁဝ်းဢမ်ႇမီး​ ၵေႃႉမေႃလိၵ်ႈလၢႆး
ယူႇၶႅပ်ႇၶၢင်ႈႁဝ်းဝႆႉၼၼ်ႉ ​မိူဝ်ႈဢၼ်ဢမ်ႇမီးၽႂ်ယူႇၸမ်ႁဝ်းဝႆႉၼၼ်ႉ ၼင်ႇႁိုဝ်ႁဝ်း​ပေႃး​တေဢမ်ႇ
လႆႈပိုင်ႈဢိင်ပိူၼ်ႈၼၼ်ႉ ႁဝ်းတိုၼ်းလူဝ်ႇလႆႈမေႃဝႆႉ လိၵ်ႈလၢႆးယဝ်ႉ ၵွပ်ႈၼၼ်ပေႃးႁဝ်းမေႃဝႆႉလိၵ်ႈ
လၢႆး ပၢႆးပၺ်ႇၺႃႇၼႆၸိုင် ႁဝ်းလူဝ်ႇတႅမ်ႈလူဝ်ႇမၢႆ​ၼႆၵေႃႈၸင်ႈ ႁဝ်းၸင်ႇဢမ်ႇလႆႈၼႃႈလဵ​ၵ်ႉတႃၼွႆႉ
ၼႆ​ၵေႃႈပဵၼ် ​လႄႈ ႁဝ်းၸင်ႇ​ပေႉတူဝ်ဢိူဝ်ႈ မိူဝ်ႈမီး​ၵေႃႉလဵဝ်ၼၼ်ႉ ယွၼ်ႉၼၼ် ​ၵၢၼ်လိၵ်ႈလၢႆး
ၼႆႉပဵၼ် ပိူင်လူင် မၢႆ(1)မၼ်းယဝ်ႉ ။

ယဝ်ႉ​ၵေႃႈမိူဝ်ႈၽွင်းၼႂ်းၶၢဝ်းဢၼ် ႁဝ်းလႆႈသွၼ်လိၵ်ႈလၢႆး
ၼၼ်ႉ ႁဝ်းတိုၼ်း​တေမီးၵူၼ်းႁူႉၸၵ်း ​လႄႈ ဢူၺ်း​ၵေႃႉယဝ်ႉ ၵူၼ်းႁဝ်းၼ​ိုင်ႈ​ၵေႃႉၼႆႉတိုၼ်း
လူဝ်ႇမီးဢူၺ်း​ၵေႃႉယဝ်ႉ ၵူၼ်းႁဝ်းၼႆႉယိုင်ႈမီးဢူၺ်း​ၵေႃႉၼမ်ၵႃႈႁိုဝ်​ၵေႃႈ ယိုင်ႈလီၵႃႈၼၼ်ႉ
ယဝ်ႉ ​ပေႃးဝႃႈဢမ်ႇမီးဝႆႉဢူၺ်း​ၵေႃႉဢူၺ်း​သေႈ​ပေႃးၼႆၸိုင် ပိူင်တႅၵ်ႈမၼ်း မိူၼ်ၼင်ႇၵဝ်ၶႃႈ
လႆႈမိူဝ်းဢႅဝ်ႇ​လေႇႁွတ်ႈထိုင် ဝၢၼ်ႈၼႃးထုင်ႉဢိူင်ႇဝဵင်းမိူင်းသူ​ပေႃးၼႆၸိုင် သင်ဝႃႈၵဝ်ၶႃႈဢမ်ႇ
မီးဝႆႉ​ၵေႃႉႁူႉၸၵ်း ​လႄႈ ဢူၺ်း​ၵေႃႉပေႃးၼႆ မၼ်းတိုၼ်းဢမ်ႇပေႃးတဵမ်ထူၼ်ႈ​လႄႈဢမ်ႇမူၼ်ႈသိုူဝ်း
မိူၼ်ၵၢင်ၸႂ်ယဝ်ႉယွၼ်ႉၼၼ် ၵႂႃႇတၢင်းလႂ်​ပႆတၢင်းလႂ်ၼႆၵေႃႈ ​ပေႃးႁဝ်းဢမ်ႇမီး​ၵေႃႉမိုတ်ႈ​ၵိုဝ်းႁူႉ
ၸၵ်း ​လႄႈ ဢူၺ်း​ၵေႃႉၼႆႉၼႃႈလဵၵ်ႉတႃၼွႆႉဢိူဝ်ႈ ယွၼ်ႉၼၼ်ဢူၺ်း​ၵေႃႉၼႆႉ​ၵေႃႈ ပဵၼ်ပိူင်လူင်
မၼ်းမၢႆ(2)ယဝ်ႉ။

ယဝ်ႉ​ၵေႃႈပေႃးႁဝ်းမီးဢူၺ်း​ၵေႃႉဝႆႉယဝ်ႉ ​ပေႃးၼႆၸိုင်ႁဝ်းတေၸင်ႈၵပ်းသိုပ်ႇၵွင်ႉသၢၼ်ၸူးၶဝ်ဢိူဝ်ႈ

ၼႂ်းၶၢဝ်းယၢမ်းဢၼ်ႁဝ်းလႆႈသွၼ်ႁဵၼ်းလိၵ်ႈလၢႆးၸွမ်းၵၼ်ၼၼ်ႉႁဝ်း​ၵေႃႈ
လႆႈႁူႉၸၵ်းမိုတ်ႈၵိုဝ်းႁူႉၸၵ်းပိူၼ်ႈတၢင်းၼမ်လႄႈ ဝၢႆးသေႁူင်းႁဵၼ်းသုတ်းယဝ်ႉၼၼ်ႉ

ႁဝ်း​ၵေႃႈ​တေၸင်ႈၵပ်းသ​​ိုပ်ႇၸူးပိူၼ်ႈ လၢႆးၼိုင်ႈယဝ်ႉ ​​ပေႃးႁဝ်းၵပ်းသိုပ်ႇၵွင်ႉသၢၼ်ၸူးၶဝ်လႆႈယဝ်ႉ

​ပေႃးၼႆၸိုင် ဢူၺ်း​ၵေႃႉၶဝ် ဢၼ်ႁဝ်းဢမ်ႇႁူႉၸၵ်းၼၼ်ႉ​ၵေႃႈ ၶဝ်​တေၵပ်းသိုပ်ႇပၼ်ႁႂ်ႈႁဝ်းလႆႈ

သိုပ်ႇႁူႉၸၵ်းမိုတ်ႈၵိုဝ်းဢူၺ်း​ၵေႃႉၶဝ်ၵႂႃႇဢိူဝ်ႈ ၵွပ်ႈၼၼ် ၵူၼ်းႁဝ်းၼႆႉ ယိုင်ႈမီးတီႈၵပ်းသိုပ်ႇ

ၵွင်ႉသၢၼ်ၼမ်ၵႃႈႁိုဝ်​ၵေႃႈယိုင်ႈလီယဝ်ႉ ၵူၺ်းၼႃႇၵူၼ်း​ၵေႃႉဢၼ်ယူႇ​ၵေႃႉလဵဝ်သေဢမ်ႇၵပ်းသိုပ်ႇ
ၵွင်ႉသၢၼ်ၸူးၽႂ်​သေ ၶိုၼ်ႈယႂ်ႇမႂ်ႇသုင်မႃးၼၼ်ႉ ဢမ်ႇသူူႈမီး ဢမ်ႇၼပ်ႉ​တေႃႈမီး ယွၼ်ႉၼၼ် ၵၢၼ်ၵပ်းသိုပ်ႇၵွင်ႉသၢၼ်ၸူးပိူၼ်ႈၼႆႉ​ၵေႃႈ

ပဵၼ်ပိူင်လူင်မၼ်းယူႇ မၢႆ(3)ယဝ်ႉ ။

ၵွပ်ႈၼၼ်ၽွၼ်းလီလွင်ႈၵၢၼ်ႁဵၼ်းၼႆႉ ႁဵတ်းလွင်ႈလဵဝ်​သေ လႆႈလွင်ႈ
တၢင်းမၼ်းမႃး ယႂ်ႇၼမ်​တေႉ ။



မွၵ်ႇမႅၼ်ႈၶၢဝ်း (သၼဵၼ်း)

Share on Google Plus

About Unknown

This is a short description in the author block about the author. You edit it by entering text in the "Biographical Info" field in the user admin panel.